Homber cu tin 12 casa y 102 yiu ta pidi ayudo pa sigui mantene su famia.

​

Musa Hasahya, un homber cu actualmente ta bibando na Butaleja, Uganda, a pidi yudansa economicamente, ya cu e no por mantene su 12 casa y su 102 yiunan. Tur e casanan ta biba hunto, pero nan tur tin nan propio camber y cushina. Door cu na su localidad tur recurso ta limita, dos di su casanan a huy bay otro caminda, pa tin un mihor calidad di bida.

Musa su storia di poligamia a cuminsa na 1971, ora cu el a casa cu su prome casa, Hanifa Hasahya. Ya na 1973 el a haya su prome yiu muher. Musa a bisa, cu e motibo cu e tabata por tin 12 casa ta, door di su bon salario cu e tabata gana. P’esey el a dicidi di “amplia e famia, casando cu mas hende muher”. El a bisa na New Vision, cu cada un di su parehanan, el a duna nan e hermentnan necesario, pa nan mes cosecha alimento y di e forma ey por mantene cada famia.

Su prome casa a bisa, cu tur e otro casanan ta hopi enamora di e homber y e homber ta trata tur igual. Pues casi nunca no tin problema entre nan. Su yiunan ta consider’e un homber sabi y tur luna e homber ta scucha e nececidadnan di e yiunan, sin laga afor su 538 nietonan.