Homber ta culpa compania di energia pa su divorcio 

 Bryan Lawson, di 55 aña, a acusa e compania di energia di Australia: AGL, debi cu a nan a destrui su matrimonio y ta e causante di su divorcio. Esaki ta debi despues cu Bryan a ricibi e ultimo recibo di coriente cu a suma na un balor di $833. E homber a bisa cu e tabata tin problema cu e compania pa varios siman caba y nan a dicidi di cambia e medidor di energia. 
Mensualmente e recibonan tabata yega mas y mas halto y debi na e suma barbaro aki cada biaha, el a cuminsa haya problema cu su pareha. Bryan a ilustra un ehempel di nan problemanan, manera; ora e tabata yega cas for di trabou, e tabata haya e luznan sendi y door cu e factura tabata halto caba y e no tabata gusta esaki y tabata duna su comentario of reclamo. E casa di Bryan a fada asina hopi di e situacion y a dicidi di bay for di cas. Y asina Bryan su matrimonio di 35 aña a yega na su tristo final. A pesar cu Bryan ta biba su so na su cas na Sydney, Australia, e facturanan awor ainda ta varia entre $625 y $833.