Influencer Brasileña a hay’e den rolstoel door di wanta un puya mucho largo.

 

E influencer Brasileña, Victoria De Felice Moraes, di 21 aña, a conta su 23.5 miyon siguido (@viihtube) cu nunca e por a pensa,cu e lo termina den un rolstoel pa wanta puya pa oranan largo. El a conta cu el a cuminsa sinti un dolor horibel,mientras e tabata na e festival di musica rock: “Rio Lisboa 2022” na Portugal. El a splica cu e no por a puya, door cu e tabata tin berguensa pa hacie dilanti su pareha. Ora cu e tabata na aeropuerto e no por a wanta e dolor mas y nan mester a trece un rolstoel p’e. Pues e dolor tabata asina fuerte y intenso, cu e no por a ni cana mas. Segun e influencer, despues di a logra puya bek, el a sinti su mes mihor. Victoria a bisa su siguidornan, pa evita e problema aki, mihor nan puya sin sinti niun tipo di berguensa.