Despues cu nos a publica cu famia ta pidi hopi oracion pa e co fundador di e popular banda di zouk Kassav par di dia atras, un rato pasa e noticia a drenta cu Jacob ta fayece di Covid 19. E artista su condicion a bai atras rapidamente den e ulitmo ora nan. Den hospital compaña pa su famia Jacob ta fayece riba un cama den ICU. Jacob ta guitarista, cantante, producer, areglista, co-fundador di e banda Kassav. Un miembro di e banda ta scirbi riba su social media "Nos ta di luto e bashi cu Jacob ta laga atras ta dificil pa surpasa, kassav nunca mas lo ta mescos sin Jacob". Su carisma su smile e forma di comunica cu su fans nan tawata hasi Jacob apart di tur otro. Masha hopi hende di generacion pa generacion a baila riba ritmo di Kassav. Jacob a nace na Paris dia 21 November di aña 1955, despues di un par di luna Jacob ta muda pa Guadeloupe, e isla di origen di su mama. Jacob a siña toca guitara na Senegal. Despues cu 14 aña Jacob ta regresa Paris caminda e ta toca pa prome biaha den e rock band, The bad Grass. Na aña 1979 na Paris kassav ta lanta. Kassav ta e creadornan di e zouk moderno cu a yena stadion rond mundo di hende. Mundo di musica ta perde otro legendario. Jacob sosega na paz.