Jeff Bezos, e homber mas rico na mundo, a bai espacio bin bek diamars mainta pa diesun minuut riba The New Shepard, un raket desaroya door di su compania di espacio, Blue Origin. Bezos a funda Blue Origin na aña 2000, cu e meta pa hasi e vuelo pa espacio mas accesibel. Hunto cu e multibiyonario tawata su ruman, Mark Bezos; Wally Funk, un piloto di 82 aña y Oliver Deamen di 18 aña cu tawata Blue Origin su prome cliente cu a haya su ticket como regalo di su tata. Funk y Deamen a bira e persona nan mas bieu y mas jong pa bai den espacio. Oliver ta un Hulandes. Na e punto mas halto di e vuelo, e pasahero nan por a los nan faha di siguridad pa por flota y experiencia e bista panoramico di mundo pa 3 minuut. Bezos a declara e dia aki como “the best day ever” na su yegada bek na mundo.