Jennifer Aniston a wordo critica riba red nan social despues cu e la comenta cu e lo corta amistad cu persona nan cu no ta vacuna. E la comenta cu ora ta yega na amistad, e kier solamente esun nan cu ta vacuna serca di dje, y cu e la corta cierto hende nan for di su bida cu simplemente no kier tuma e vacuna. Hopi hende a critica Jennifer bisando cu si e mes ta vacuna e no mester kibra cabes cu esun nan cu no ta vacuna paso toch e ta protegi. Pero Jennifer no a keda keto, y a splica cu aunke e ta vacuna, toch e por carga e virus y pega un cu no ta vacuna y cu por tin problema di salud. Jennifer ta argumenta cu tur hende tin e derecho di hasi cu su bida locual e kier, y hende mester preocupa mas pa nan asunto cu locual otro ta hasi.