Jennifer Brugés di 22 aña ta un mama, studiante di marketing & economics y founder di Curls4angels. Desde su adolescencia Jennifer a cuminsa traha pa por yuda su mayornan cu gasto nan di cas y scol. Semper Jennifer a gusta emprende diferente negoshi, su mama semper a siñe uza ingrediente nan natural pa su cabey, sinembargo e la dicidi di research mas den e tema pa cuminsa su negoshi, e la cuminsa haci cabey di su amiga nan y asina e la sigiu crese via social media (Instagram: curls4angels). Prome cu Jennifer a bay hulanda sigiu studia e tabata haci cabey y canta anochi na hotel, e la traha dia y anochi pa e por a inverti den su producto nan y asina por a brinda un bon servicio.
 

Jennifer su meta di mas grandi ta pa tin su mesun salon y marca di producto pa cabey krul. Esaki ta un projecto cu e ta bezig cu ne y cu Dios su poder e lo logra esaki pronto (Den 2022). Jennifer a bisa nos cu e lo kier bay Aruba bek algun dia bek pero prome cu esey e mester cumpli cu su meta na Hulanda. Actualmente Jennifer ta hopi contento cu su bida na hulanda e la bisa cu e ta wak un progreso enorme den tur area di su bida, lo mas dificil pe di biba na hulanda ta cu su famia ta leu.

​

Jennifer su negoshi tabata bayendo bon na Aruba pero tur cos tabata cla pa e continua cu su studio nan na Hulanda dus e la dicidi di sigiu cu e negoshi na Hulanda, e la cuminsa traha na cas y studia mesun tempo e tabata un challenge, ya cu e la crece hopi den cliente y pa manage scol cu su negoshi tabata exigi hopi disciplina. E la muda hulanda cu su pareha y su cacho y nan nunca a pensa cu nan lo a bira parents asina pronto, esaki tabata un bendicion pa nan e noticia aki tabata e impulso cu nan tabata mester pa pusha pa dilanti. Jennifer a keda traha te cu su 38 siman di embarazo, despues cu e la duna luz e sigiu cu su scol y su negoshi. Jennifer a bisa cu ta un mama y tin un negoshi y studia ta exigi hopi diciplina y voluntad y e no ta facil, pues awe Jennifer por bisa cu aki dos luna e ta caba su scol cu exito y cu un negoshi cu ta creciendo hopi lihe, tur esaki e ta agradece na Dios cu a yene di forsa y na su pareha cu ta apoye den tur cos.

​

Jennifer su conseho pa e young professionals ta: Abo tin e poder den bo man pa logra locual bo kier den bida! so own your power and make it happen! Laga Dios guia bo caminda y e lo guia bo y bendishona bo. Finalmente Jennifer a bisa cu a nos hoben ta bendishona cu hopi beneficio, bon educashon, capacidad di papia hopi lenguaje y subsidio pa nos estudio.