Jeremy Garcia ta un hoben di 24 aña cu ta bibando na hulanda (Rotterdam) pa sigui su soño nan como un artista den muziek. Actualmete e bibando 5 aña na Hulanda y e la caba su Mbo den muziek producing y e aña aki e lo cuminsa cu su estudio nobo cu ta muziek docent na royal koninklijk conservatorium cu ta keda na Den Haag. Den su tempo liber e gusta composita muziek pa su mes y otro artista nan rond di dje. E la cuminsa canta desde e tabata tin 7 aña na Ymca na San Nicolas. E tabata un proceso basta leuk cu e por a siña canta y cu e tabata canta cu otro mucha nan di otro scol nan, door cu e la cuminsa canta asina jong e tabata tin e oportunidad pa por a canta pa la reina Beatrix di hulanda y tambe pa e governador di Aruba.

 

E logro nan cu Jeremy tin ta varios pero esun mas importante ta pa e por caba su estudio como muziek docent y pa e por educa e mucha nan di futuro den e area di musica. Su meta di mas grandi ta por biaha na varios pais y pa mustra nan kico ta papiamento. Jeremy tambe lo kier muda bek pa Aruba pero pa awor e lo kier explora e mundo un tiki pas prome cu e bay bek na su isla stima. Pero e no ta facil pa ta leuw di famia pa Jeremy pasobra famia ta tur cos p’e, e la crece den un cas hunto cu su mama, tanta y wela y cada dia e ta sinti mas nan falta. Pero e sa cu e desishon nan cu e ta tumando awor ta pa sigura su futuro, dus e ta bay ful speed pa e por logra suy meta nan.

 

Bida na Hulanda pa Jeremy ta dushi, e ta disfruta hopi mes na Rotterdam paso e ta connect cu tur e hende nan ki nan. E ta biba na un stad hopi multi cultural mes pero e stima es ser pasobra cada dia e ta siña algo nobo of di su stad of di e hende nan, tambe rotterdam ta yena cu hende nan di ABC, dus e ta sinti toch su mes un tiki na Aruba. Jeremy su inspirashon nan ta varia mucho paso e ta wordo inspira door di varios artista nan manera Bruno Mars, Juan Luis Guerra y mucho mucho mas. 

 

Jeremy su conseho pa e hoben nan di awe ta: Keep moving forward e la siña e frase aki di un pelicula di Disney. Nunca stop di crece of di siña cos nan nobo paso bo nunca sa ki ora bo lo tin mester di nan. Y pa ultimo semper keda bo mes no purba di ta manera hende sea bo mes pa awe, mayan y semper. 

 

Aki 10 aña Jeremy lo ta bibando den su cas hunto cu su casa y futuro yiu nan na Hulanda y cantando rond di mundo y sacando cara di Aruba tur caminda cu e bay.

 

Bo lo por haña tur Jeremy su cantina nan Riba spotify, youtube, apple music, etc.