Colombiano condena na 158 aña di prizon na Spaña.

​

E Colombiano, Jorge Ignacio Palma (40), a keda condena na 158 aña y 11 luna den prizon, despues cu el a asesina 3 hende muher na Spaña. Corte di Husticia di e ciudad di Valecia, Spaña, ta esun cu a condena Palma pa e asesinatonan di; Marta Calvo, Lady Marcela y Arliene Ramos. Di e sentecia condena, Palma lo cumpli un maximo di 40 aña y a pone un indeminisacion tambe di un total di 640 mil Euro na fabor di e famia di e victimanan. Ademas corte a considera e homber responsabel di otro seis homicidio di grado tentativo y otro delito. E penanan imponi na e Colombiano aki di 40 aña ta inclui un condena pa un delito contra salud publico, ya cu e tabata ofrece cocaina durante su citanan cu e victimanan, como consecuencia un acto contra libertad sexual, cu ta conduci na circumstancia di discriminacion di genero.