E popular cantante Jose David a estrena su mas reciente produccion “Bo a bay cu mi angel” serca Ivo Yanez Dialuna 14 di Ferbruari. 
E videoclip di e cancion aki a wordo graba completo den cas di Padu “Del Caribe” Lampe. E cancion mes ta un expresion di letra unico caminda cu Jose kier ilustra e sentimento doloroso di perde un ser stima. 
E cantante a uza diferente potret di persona cu a fayece cu tawata un impacto sea directo of indirecto serca su persona. E artista mes ta splica durante e programa di Ivo na Canal 90 fm y Telearuba cu esaki ta un cancion cu e tin warda di basta tempo, pero awo a sinti cu ta e momento pa grabe y presente pa Aruba y mundo.
Cu su propio estilo awe nos ta presenta e videoclip “Bo a bay cu mi angel” pa tur nos siguidor di nos website y gradici Jose David pa pone potret di Tata di Ivo Yanez, Ido Yanez cu a fayece 15 aña pasa tambe den e videoclip.

Masha pabien cu e cancion “Bo a bay cu mi angel”. Por wak e videoclip aki bou.