​

Danki na e awa di cranchi un dama a sobrevivi 3 dia cera den su mesun baño.

​

Algun dia pasa tabatin un caso, unda un hende muher a keda cera den su propio baño pa 3 dia y el a logra sobrevivi danki na e awa di cranchi. Tabata trata di un hende muher di 54 aña, cu ta bibando na Bangkok, Tailandia y accidentalmente a keda cera pa 3 dia. Door cu e no tabata tin su celular cu ne, el a dicidi di cuminsa grita y pidi ayudo, pero niun hende tabata scuch’e. El a purba mantene su mes hidrata cu awa di cranchi, pero e tabata sinti cu su forsa tabata cabando. Pensando cu esaki tabata su final, el a dicidi di skirbi su testament riba e muraya di baño cu crema di man. El a pone, cu e ta desea pa un tal Tuk a Tua Toon Tum, keda cu e propiedad di dje. Di otro banda, su ruman muher a cuminsa preocupa, paso el a purba di yam’e, pero e no tabata contesta su celular pa 3 dia. Esey a pone cu e ruman muher a dicidi di yama polis. Ora nan a yega na e cas, nan a ripara cu niun hende tabata t’ey, pues nan a dicidi di kibra e porta y nan a wak e muher di 54 aña benta abou den baño. Nan a hib’e un hospital di mas cerca, unda e dokternan a dun’e varios pildo pa e trankilisa su mes y awor e muher aki ta den bon condicion bek.