Kiarra Jones, un asistent di bus escolar di 29 aña di edad na Colorado, a ser deteni pa dal muchanan cu descapacidad fisico. Incluyendo un mucha homber autista di 10 aña cu ela dal, trapa y pusha contra dje bentana di e bus di scol segun e departamento di polis di Colorado.

E agresion a keda graba den un di e camaranan dje bus riba e fecha di 18 di maart. Den e imagennan impactante aki, por mira entre otro con Kiarra ta dal e mucha homber cu elleboog den su bariga, na su cara y ta trapa ariba su pianan. E famianan a permiti hasi e video aki publico pa asina por mira e gravedad di e situacion. Tres famia mas a inicia accionnan legal despues cu a nota cambionan di comportacion y lesionnan fisico riba nan yiunan.