Mama ta pone yiu muher di 18 aña firma contract pa paga huur pa biba den su cas.

 

Tin diferente forma pa educa y prepara nos yiunan pa futuro. E mama di e hoben, Jada, di 18 aña, a dicidi pa traha un contract cu Jada, unda ta stipula cu tur luna e mester paga 100 dollar na huur. Esaki ta pa Jada por sigui biba na e cas di e mama, como cu ya Jada ta mayor di edad. Den un video cu e mama a publica riba Tik Tok (@c_d_g), el a conta cu e mes tabata un mama soltera cu su 16 aña y su mayornan no a prepar’e pa e mundo eyfo. Pues e mester a siña tur cos riba su mes y lucha pa su cosnan. E mama no kier pa su 6 yiunan depende riba dje y ta pa e motibo aki, e ta cuminsa prepara nan desde un edad jong.