Mama y yiu ta haci gesto noble tur anochi cu algun cacho di caya.

​

Tin diferente forma cu nos como ser humano, por aporta na gesto noble y den e caso aki, ta trata di un mama y su yiu, cu ta duna cacho di caya cuminda tur anochi. E yiu a comparti e gesto noble aki riba su red social di Tik Tok (@sadith195), con tur anochi e cu su mama ta cria e cachonan cu ta cerca di nan cas y cu no tin hogar. E hoben a mustra con su mama ta prepara e cuminda, cu ta consisti di; pasta, aros, galiña y batata. Ora e cuminda ta cla, nan ta bay na e mesun luga tur anochi y caba e cachonan ta reconoce nan. E cachonan di caya ta demostra nan felicidad, ya cu manera cu nan wak e mama y yiu yega, nan ta cuminsa bati nan rabo. No tin duda cu e video aki a causa un impacto hopi positivo y a inspira hopi hende, pa kisas nan tambe cuminsa cu un gesto noble asina.