Un menor di 14 aña a confesa cu e la tira su mama y su 3 ruman nan, mes ora a detene e hoben aki. Segun e menor aki e la bisa cu e tabata influencia pa un video game cu yama "PUBG", e wega aki ta un wega di matamento. Autoridad nan di Lahore, Pakistan a informa cu Zain Ali cual ta e nomber di e menor, tabata hungando e video game aki den su camber y ora e tabata apunto di yega su objectivo e la perde y e la haña hopi rabia den su mes y e la bay saka e rabia aki door di bay buska un arma di candela y asesina Naheed Mubarak, di 45 aña, y su 3 ruman nan cu ta Taimur, Mahnoor y Jannat, di 20, 15 y 10 aña.