Muy apreciable radio oyentenen y televidentenan di e prestigioso programa Ivo for Live, saludos y bendishon. E siman aki nos a drenta e siman mayor, siman santo. Nos dilanti nos tin dianan di refleccion ariba e gran acontecimiento di e bida di Nos Senjor Hesu-Cristo. Nos kier conmemora e pashon di Senjor, su sufrimento y morto y tambe su resurrecion. Apesar cu esakinan a tuma lugar asina tanto tempo pasa, ta necesario pa nos sigui balora esaki, mustrando constantemente un cambio di bida. E entrega di Senjor tawata pa cada un di nos, pa nos salbashon. Mare e dianan santo aki, por hiba nos na un refleccion di nos mes un bida, pa asina nos por topa den tur humildad cu tur loke nos mester cambia den nos bida, kitando afo di nos tur loke cu ta tira nos dignidad di Yiu di Dios abou, especialmente nos mal actitudnan, nos falta di amor y misericordia pa cu otro. Dios a stima nos asina tanto ye ta sigui stima nos, pesey E a entrega su Yiu pa nos. Mi bienstimanan un bon y saludabel dianan Santo, y cu Cristo cu a lanta for di Morto, por lanta nos tambe di tur nos miserianan y duna nos su Paz.