Misa Catolico ta keda intacto despues di tragedia na Hawaii cu casi 100 morto. 

​

E isla Maui na Hawaii a experiencia un candela enorme cu a bira e desaster natural mas grandi den historia di e isla.

E candela aki a cobra bida di casi shen persona obligando miles di residente y turista pa evacua.
Hopi victima a core drenta lama mientras nan curpa tawata na candela y tur edificio a keda destrui.
Lahaina ta e parti cu a sufri mas daño di e candela aki cu a plama cu un velocidad rapido.
Tin mas o menos 1300 persona cu ainda ta perdi y mientras tanto autoridad nan ta haciendo tur cos posibel pa identifica victima nan cu ser haya.
Autoridad nan a indica cu actualmente nan a cubri solamente 3% di e area te cu awor y cu esaki ta significa cu e cantidad di victima lo sigui subi.
E causa oficial di e candela ainda no a keda determina.

Camara nan grabando e isla a capta imagen di tur cos completamente destrui pero locual cu a resalta ta un misa catolico cu no a ricibi ningun daño.
Apesar di tur destruccion e misa Maria Lanakila na Lahaina a keda intacto.
E misa Catolico aki a habri na 1846 y su nomber ta significa “Our Lady of Victory”.

Imagen di e misa aki inmediamente a bay viral y esaki a keda mira como un milager y un señal di speransa despues di e tragedia aki.