Miss Universe ta ricibi pa prome biaha un mama di famia riba escenario internacional.

​

Michelle Cohn di 28 aña a keda corona como Miss Universe Guatemala 2023 den un competencia cu 14 otro participante.
Michelle a marca historia como e prome mama pa participa den e certamen di beyesa aki pa prome biaha den mas di 70 aña.

E ta casa cu Andres Matheu y nan tin un yiu homber y un yiu muhe.
Na aña 2011 Michelle a cuminsa modela y desde 2013 e la participa den varios certamen di beyesa representando Guatemala internacionalmente. 
Michelle ta un modelo y empresario cu un grado di ‘Public Relations and Communication’ y e ta domina e idioma nan Spaño y Ingles. 
Despues di su coronacion, Michelle a publica su logro riba instagram.
“Miss Universe a brinda mi e oportunidad y mi ta acepta e reto aki cu hopi entusiasmo y cu mi curason. Menos di un aña pasa mi a pensa cu esaki lo ta imposibel y awe mi ta e prome mama pa representa Guatemala na Miss Universe 2023. Di e forma aki mi ta demostra tur locual cu nos como hende muhe por logra.” 

E organisacion di e certamen a introduci e regla aki na september 2022 permitiendo pa un hende muhe cu ta casa y cu ta mama por participa den e certamen entrante e proximo edicion di Miss Universe.
E cambio aki den e reglamento ta uno impactante den historia di e certamen cu anteriormente tawata permiti solamente hende muhe entre edad di 18 y 28 aña y cu nunca a casa of haya yiu pa participa. 
“Nos no ta kere cu un decision personal di un ser humano mester ta un barera pa su exito” Asina e organisacion a expresa.

Miss Universe 2023 lo tuma luga 18 di November na El Salvador.