Jessie Carr, 21, un modelo di Sydney a paga 2000 dollar pa un "fox eye thread lift" un porcedura na moda awoki cu ta duna bo un look di wowo y wenkbrauw hopi mas bunita. E procedura ta un operacion chikito pa resalta e parti dilanti di e cara y subi e wenkbrauw. 

​

Den e caso di Jessie e procedura a resulta den un transformacion completo di su cara cu hasta manera dos cacho a sali riba su frenta. E modelo kier a adverti tur hende pa tene cuidou ken bo ta laga mishi cu bo cara y wowo. E mes ta bisa " no laga ken cu ta hasi bo wenkbrauw, no laga ken cu ta mishi bo cara, semper bay na un profesional cu a stuida pa locual e ta hasi".  E modelo mester a hasi diferente cirugia pa por a coregi e eror cu nan a hasi cu ne.

​

Jessie ta sigui adverti su seguidor nan pa no hasi e procedura aki nunca. " Bo lo lamenta pa resto di bo bida di a hasi e " Fox eye thread lift, e ta laga bo desfigura". Ainda e modelo no a recupera completo y mester hasi dos cirugia mas. E ta pensa di hiba e persona cu a hasi e mal trabou corte pa daño y perjuicio.

​

​