Modelo galan di Colombia a converti den un sexy modelo transgenero.

E hoben Colombiano, Juan Esteban, tabata riba varios pasarela grandi y a gana varios certamen di beyesa masculino y awor a converti den un bunita y sexy modelo transgenero. 
‘Jotae’, manera e tabata conoci den e mundo di pasarela, a desfila na henter e continente. Entre 2012 y 2015 e tabatin un carera exitoso como modelo masculino, sinembargo, e no tabata feliz. Incluso den pasado el a obtene e titulo di “hombre más bello del pais” na e concurso di Mister Colombia Internacional (entre 2013 y 2014). 
Den un entrevista pa Telemundo den e progama di “Al Rojo Vivo”, e paisa a confesa, cu a pesar cu nan a nombr’e como e homber di mas netchi di e pais, el a sinti cu nunca el a pertenece na su curpa masculino. Realidad ta cu riba su ID, e ta aparece manera; Juan Esteban, pero e no ta sinti asina. 
Juan a expresa, cu e ta convenci cu simplemente el a nace den un curpa robes. 
Aworaki e ta carga e nomber; Sophia. Como Sophia semper e kier a sali afor, pero e tabata scondi den un otro curpa. 
Sophia a biaha bay Merca, pa transforma su mes y asina el a haci tur e cirugianan necesario. Sophia su meta ta, pa inspira otro, cu tin miedo di tuma cierto paso pa cualkier cos, djis percura pa abo sigui bo soñonan, paso na final ta abo cu bo mes!