Mucha di 8 aña cera desde cu e tin 18 luna.

​

Un mucha di 8 aña tabata cera den un camber na cas di su welo y wela y esaki ta desde e tin 18 luna. Parce cu e mucha aki nunca a wak un auto of un mondi y e no tabata ni sa con pa subi un trapi. E autoridadnan di Alemania ta investigando e caso di e menor aki, ya cu nan ta curioso pa sa, con ta posibel cu e mucha aki por a keda cera pa tanto aña. E menor aki no por haci e cosnan, cu un mucha di 8 aña por haci. “E mucha no tabata consciente di e gran parti di e mundo exterior” esaki ta loke e autoridadnan a indica. Despues di a investiga e mucha, no a haya niun señal di abuso ni tampoco e mucha tabata desnutri, solamente cu e tabata scondi desde cu e tabata tin 18 luna di bida. Finalmente, cu un ordo hudicial, e polisnan di Alemania a rescata e mucha aki y awor e mama cu e welonan ta den investigacion, mirando cu nan a kita libertad di e menor aki pa alrededor di 7 aña. Esaki ta considera un delito severo, cu por resulta te hasta un castigo di 15 aña sera.