Mucha homber di 12 aña a destrosa cas di su mama paso e mama a kita su celular.

​

Cu e retonan di lanta mucha awendia ta mas, no tin duda y como mayor abo semper ta keda esun primordialmente responsabel pa educacion y lantamento di bo yiu(nan). E mama a dicidi di kita e celular di su yiu homber di apenas 12 aña prome cu el a bay trabou, ya cu e mucha tabata haci mala mucha y tabata papia fresco cu e mama. Loke e mama no a spera ta e reaccion destructivo y agresivo di su yiu. E mucha homber a kibra ful e cushina, kibra e mama su computer y un parti grandi di e cas a keda destrosa. E mama a sali dilanti y riba su cuenta di twitter (@_sjae), el a bisa cu e mucha ta sufri di problema mental y cu e dia ey, e no a tuma su medicamentonan manera mester ta. Un amiga di e mama a cuminsa un campaña riba e website, cu yama: GoFundMe, pa recauda fondo, pa asina e mama por drecha e daño cu e yiu homber a haci.