Un camara di seguridad a capta Liliana Segovia na momento cu e la subi su auto nobo y desde e momento aki niun hende no sa nada di Liliana. E familiar nan di Liliana a informa e autoridad nan cu Liliana a haña un auto nobo y e kier a bay core rond cune, pues e familiar nan ta sinti cu nan a secuestra Liliana pa asina nan por a bay cu e auto aki, pero te ainda no tin prueba cu esaki ta berdad. Pa e famia di Liliana ful e situacion aki ta un misterio pasobra nunca Liliana ta separa di su yiu di 6 aña ni di su pareha. Mirando con tur cos a pasa familiarnan y autoridadnan a bisa cu Liliana por ta victima di un secuestracion.