Yiu ta sconde mama morto den freezer pa sigui cobra su pension


Michele Hoskins, di 64 aña, a sconde e curpa sin bida di su mama den un freezer, p’e sigui cobra e pension di su mama. Esaki sigur ta un caso cu a hala masha atencion, specialmente na Florida, Merca E autoridadnan a informa, cu e mama di 93 aña a muri pa causa natural. E autoridadnan a detene Michele riba 7 di juli, despues cu el a confesa, cu el a warda e cadaver di su mama, Marie Hoskins, pa varios siman. Tur cos a cuminsa den luna di april, ora cu e bisiñanan no tabata wak Marie pa algun tempo y nan a cuminsa preocupa. E autoridadnan a bay Michele su cas y nan a puntr’e pa su mama, pero su contesta tabata, cu e no a wak su mama tampoco. Mas cu claro e autoridadnan no a tuma e contesta ey y dicidi pa inspecciona e cas. Aki a haya e curpa di e mama bon poni den e freezer. Aunke e mama a muri di causa natural, nan a aresta Michele door di no a informa e fayecemento di su mama y el a manipula e pruebanan. Nan a transport’e p’e prizon na “Condado Indian River”.