Muher ta afirma cu limpiando graf di santana ta yud’e supera su divorcio dificil.

​

Alicia Williams, un hende muher di 42 aña, a comparti cu The US Sun su storia tocante su divorcio. Netamente e divorcio sumamente dificil aki a pone cu Alicia mester a regresa na e cas di su mama cu su 4 yiunan. Durante su separacion el a bisa, cu su yiunan tabata pasa mayoria di nan tempo cu e tata na Florida, Merca, mientras e mama mes ta biba na Virginia. El a bisa cu esaki no tabata husto p’e, paso desde cu e yiunan a nace, semper e tabata t’ey. E dama aki a pasa den un periodo basta tristo y dificil y pa e no perde su tempo, el a cuminsa wak diferente video con por sana su mes. Asina el a encontra cu video di “hipnotise”, unda el a wak hende ta limpia e grafnan, pa trankilisa nan. Alicia a dicidi pa cuminsa practica esaki y el a cuminsa cu e grafnan di su familiarnan. Mirando e impacto cu esaki tabatin riba dje, el a tuma contacto cu esunnan cu ta responsabel pa mantencion di e santanan y asina a ofrece nan, pa e traha na e santananan, haciendo e grafnan limpi. Alicia a bisa cu esaki ta un tremendo terapia p’e y e ta consider’e como un terapia di proceso di curamento metaforico.