Oranjestad-- Un noticia cu a causa hopi reaccion y cu toch hopi hende a spera pero no asina lihe ta e anuncio di Minister Otmar Oduber cu a tuma retiro di política y ta laga su Ministerio pa Sra. Marisol Lopez Tromp. Atrabes di un conferencia di prensa cu a caba di tuma lugar, e Mandatario Oduber a papia di su carrera di 22 anja den política y 18 anja como político activo den diferente partido, a tuma e decisión importante aki den un forma personal. Den su discurso e la comenta cu no tawata un decision facil pero cu seguramente ta e miho decision na e momento nan aki. E Minister a gradisi su coleganan di Partido POR pero tambe di su Gabinete cu a para pa su proyectonan, clarificando cu e ta bai sigui sostene su partido. Su retiro ta tuma lugar dia 12 December 2019 pero awe mediante un conferencia di prensa e la didici di anuncie. Ta conoci cu Otmar su salud ultimo tempo no ta 100% sinembargo no tawata mucho cla si esaki ta e motibo principal.

 

​