Pareha ta oficialisa nan divorcio celebrando cu hopi entusiasmo.

Pa hopi hende e momento mas feliz di nan bida ta riba altar ora di casa cu e amor di nan bida, sinembargo no tur ora cos ta color di rosa.
Den e ultimo dia nan a e storia di Lury Maia y Barbara Benjamin a bira viral despues di a celebra nan divorcio mediante un video riba red nan social. 

Segun algun entrevista haci, e pareha Brasileño a conoce otro na 2012 y despues di dos aña di relacion nan a dicidi di casa cu otro. 
Algun tempo despues nan a haya un yiu pero cos no a bay manera nan a planea y na 2018 e pareha a separa.
Na 2021 nan a firma e documento nan legal di divorcio pero door di problema nan administrativo nan a ricibi nan certificado te cu awor y a dicidi di celebra y comparti esaki. 

Den e video por observa con ambos ta sostene e documento cu ta oficialisa nan divorcio legalmente y por mira nan ta hari y hasi wega.
“Finalmente mi a libra di e malo di mi bida.” Asina Lary a expresa.

E reaccion di hopi hende ta pa aplaudi e madurez di e ex pareha ya cu casi nunca por mira ambos parti di acuerdo cu otro durante di un divorcio y ta desea nan hopi felicidad den nan bida nobo.