Pareha tin como prioridad nan propio relacion riba nan yiu.

Aubree Paige y su casa, Aaron, a bay viral riba ‘social media’, paso constantemente nan ta comparti nan biahenan rond di mundo, sin nan yiu. E dama a bisa cu e ta uza e biahenan manera un metodo pa fortalece nan matrimonio. Y na momento nan haya e comentarionan negativo, nan ta defende nan mes door di splica cu nan relacion di pareha ta prome cu nan yiu. 
Nan prome biahe hunto como mayor,  tabata ora nan prome yiu tabata tin a penas 11 siman di bida y e baby a keda cu e welanan. E dama a menciona cu bida ta duro, specialmente ora bo tin yiu chikito. Y si bo no duna bo relacion y/of matrimonio prioridad, chens ta grandi cu e por kibra of caba. 
Finalmente e pareha a bisa tambe cu tur siman nan tin un cita romantico, pa asina tene nan relacion stabiel.