Paris Hilton su chihuahua ta muri cu 23 aña.

Paris Hilton a comparti e tristo noticia cu su chihuahua, Harajuki B, conoci como HB, a fayece. 

Paris a revela e perdida aki Dialuna, bisando “Awe mi curason a kibra na momento di despedi di mi chihuahua stima..”

E artista a comparti cu pa 23 aña largo su cacho a yena su bida cu felicidad, amor, lealtad y momento inolvidabel & cu e la biba un bida largo, bunita y iconico, yena cu amor te na su sosiego final. 

Pa Paris Hilton su cacho tabata mas cu un simpel mascota, e tabata su famia, su amigo leal cu semper a compañe den tur momento di su bida. 

Paris a finalisa su post gradiciendo su chihuahua HB pa bendiciona su bida cu amor incondicional - “Bo semper lo keda mi angelito, pa semper lo mi stimabo y haya bo falta. Fisicamente bo ta ausente pero bo pasonan lo keda pa semper cu mi.”

E aña aki ta uno dificil pa Paris, mirando cu aña pasa su otro cacho Diamond Baby conoci como DB, a perde y te ainda no a ser haya apesar di cu Paris a ofrece un recompensa grandi pa e regreso di su cacho.
Paris ta permanece cu speransa di recupera su cacho, mas sin embargo e ta hopi tristo cu e situacion.