Personahe di siman.

​

Chadwick Tromp a haci historia pa Aruba den MLB.

​

Chadwick Tromp (27) ta un hoben profesional, cu a yega hopi leu den e deporte di baseball. Despues cu el a hunga 11 aña den seleccion di Aruba, Chadwick a firma como hungador profesional cu su 18 aña. Chadwick a bishita St Aloysius Basisschool ydespues cu el a caba Colegio Arubano, el a bay biba na Merca, pa eherce su profesion den baseball. Su experencia cu e weganan actualmente ta super importante y nan ta bayendo bon, pues e ta contento cu esey. Segun Chadwick loke ta haci baseball fascinante p’e ta, cu esaki ta e unico deporte unda bo por faya 7 biaha den 10 turno y ainda nan ta considera bo como un di e mihornan. Pues esey ta hacie dificil, pero na e mesun momento dibertido. Un di e hungadornan profesional cu Chadwick ta admira ta; Yader Molina. Segun Chadwick e catcher ta e posicion di mas dificil den baseball, paso e tin su retonan cu ne. Chadwick ta wak su mes aki 5 aña cu hopi exito den bida y esey ta su focus tur dia, ni maske kico pasa.

 

Den su tempo liber Chadwick gusta pasa tempo cu su yiu. Ora e ta na Aruba, e ta gusta hunga chess tur dia, unda e ta train 5 biaha pa dia. Chadwick ta un persona hopi ‘laidback’, pero alabes hopi social. Prome cu e aña aki caba, Chadwick tin un proyecto cu e kier caba na Aruba. Su opinion riba e hungadornan cu ta uza algun tipo di droga prohibi pa mehora nan rendimento ta, cu e ta ful contra esaki. Pasobra e no ta haya ta husto, cu otro ta purba di traha un nomber riba nan mes, canando e caminda husto, corecto y natural. Chadwick su logro di mas grandi tabata gana World Series Champion cu Aruba na 2010.

Nan a subi Chadwick pa MLB y el a bisa, cu esaki a sinti normal, paso no ta prome biaha. E ta sinti cu e ta pertenece eynan mas. E ta contento cu su prestacion y awo ta ora pa sigui train y traha pa e otro weganan. 

Conseho: “Respet y disciplina mester ta na prome lugar. Hopi biaha bo no ta wak resultado di biaha, pero consistencia tur dia, lo pone cu bo lo keda den un mihor posicion pa ta exitoso. Never give up on your dreams. And no dream is too big”.