Darren tin un negoshi cu yama All you need service N.V e ta existi pa 22 aña caba. Nan ta ofrece servicio di bode, distribushon di carta y tur loke ta ensera mensajeria local, Darren ta splica cu e negoshi tin su ups and downs nan pero nan ta lucha tur dia pa sigui den e mercado, esaki ta opera di 8 am pa 5 pm Dialuna pa Diaberna. Tambe Darren ta opera B/S Grillshack cu ta uncushina den Bonchincha Container Yard unda cu nan ta ofrece cuminda tipo modern grill. E menu ta consisti di bites, burgers, kapsalon wraps y varios main dish mane ribs, tenderloin y mucho mas. Esaki ta habri di 5 pa 11pm tur dia. 

​

Darren y su ruman homber (Kevin) tabata tin un bar "Tinashi Music & Sports Pub) na Paradera cual ora cu e pandemia a dal mester a sera su portanan ya cu no tabata cushina. Darren no a sinta keto e la cuminsa pensa y sinta cu Cedric Tromp (Dj Big Rig) e di cu Darren: "Darren ta awo bo mester activa All you need service" cual ta e restaurant delivery service, esaki sigur a yuda Darren y su famia pasa door di e pandemia. 

​

Darren su conseho pa e hoben cu den futuro kier habri su mesun negoshi ta pa e hoben studia mas cu e por pa porta nan habri pabo, pa tin un base fuerte den bo bida. Kico bo kier logra bay pe, no laga niun hende bisa bo cu bo no por ta abo so sa si bo por of no (nunca give up). Tur comienso di un negoshi ta bin cu su dolor nan di cabes pero semper ta importante pa tuma un momento pa bo sinta pensa y focus riba loke bo ta desea. Darren a bisa cu pasenshi ta un di e tool nan principal. Busca tur informashon necesario prome bo cuminsa pa bo ta bon informa. Ora cos cuminsa lora no kere cu ya ta ora pa sinta cas cu e pensamento cu e lo lora dimes paso esey no ta berdad. Semper ta bon pa educa bo mes y innova pa cos sigui cana bon of bira miho.

​

​

​