Listen Live !
.png)
Watch Live !
 |
|---|
 |
 |
 |
 |
 |
 |
 |
 |
 |
 |
 |
 |
 |
 |
© 2019 by BIG SHOW PRODUCTIONS
Listen Live !
Watch Live !
|
|---|
|
|
|
|
|
|
 |
|
|
 |
|
|
|
|
|
By: Zaynah Yanez
14 Feb, 2022
Personahe di siman: Empresio cu su propio negoshi cu ta duna bek hopi na comunidad
Ken ta magaly? Magaly Dijkhof Arends ta e mas chikito di 7 ruman, Actualmente casa cu Derrick Dijkhof, mama di 2 yiu cual 1 ta na bida y e otro a fayece y cu un nieta preciosa di 1 aña y mei. Magaly a hasi Kantoor opleiding y MAVO, tambe a atende un sin fin di curso tur cu tin di haber cu office management, diferente idioma, Boekhouden y Quickbooks. E tiki tempo cu Magaly tin liber e ta zorg pa bay bishita su nieta, pues Magaly stima cushina dus cualkier tempo cu e tin e ta den cushina ta inventa un cuminda of snacks nobo. Magaly gusta wak diferente series riba netflix tambe.
Actualmente Magaly ta manage 2 negoshi. Universal Technologies Aruba cu ta un compania di seguridad. Un negoshi di hopi responsabilidad, Magaly ta splica cu bo mester ta semper on top of everything pa tur cos cana bon y su prioridad ta pa tene su clietenan safe. Y recientemente Magaly a habri ARDI F&B, cu ta su negoshi di snacks, pastry, ponche crema ect ect, tur cos dushi!
Magaly ta den un organisacion cu semper e la admira esaki ta Aruba Lions Club. Magaly a forma parti di esaki 1 aña pasa ongeveer. Magaly a wordo aserca pa forma parti di AL.C Magaly ta splica cu esaki tabata un honor pe y e la accepta di biaha. Den un corto tempo Magaly a wordo elehi pa drenta board di ALC na unda cu actualmente Magaly ta e Treasurer, pero tambe e ta yuda den otro comishon cu tin den ALC, practicamente e ta yuda den tur pasobra Magaly ta un hende cu gusta wak cos cana lihe y bon dus e ta zorg pa yuda tur caminda pa asina e sigi hasi cosnan bon y grandi pa e comunidad. Aruba Lions Club a bira parti di su dia y Magaly su bida.
Magaly tabata traha den un joyeria pa mas cu 20 aña y di un dia pa otro, Magaly a keda sin trabao y asina e la join su casa cu net a dicidi di tuma e compania over completo di un otro partner y asina nan dos a lanta e compania Universal Technologies Aruba. Nan negoshi di F&B a cuminsa na cas, trahando snacks pa hende y di eynan nan a cuminsa traha ponche crema tambe cu tabata locual a hiba nan na oficialisa e negoshi pasobra companianan grandi a aserca nan pa cuminsa bende nan productonan y di eynan a lanta ARDI ( Arends- Dijkhoff ) F&B.
E perdida di Magaly su yiu no tabata algo facil. Magaly ta splica cu bo ta siña biba cu e dolor aki, mas aña pasa y den cual kier cos cu pasa den bo bida, bo ta pensa... ang kisas pesey cos a bay asina y asina bo ta 'kind of' conforma bo mes y calma bo mes paso tin ora un cos chikito cu pasa, por trigger e tristesa ey cu tin semper den skina di bo curason. Tabata tin un temporada cu Magaly no por a ni papia, manera cu e cuminsa papia e ta cla pa yora, poco poco Magaly mester a siña domina esey.
Magaly su conseho pa e hobennan den futuro ta pa no kere cu ora bo tin bo mesun negoshi ta facil, cu bo ta bay bira rico di mainta pa anochi, cu bo no mester lanta trempan mas.. net e ora ey, ABO mester ta e prome cu tey y e ultimo pa ba. Sa kiko bo kier, kiko bo kier logra y bay pe y ora bo logra, ta agradecido semper na esnan cu a yudabo y yuda bo prohimo. Yuda tur caminda cu bo por sin warda nada a cambio.
