Personahe di siman: Mark Benson Denz comerciante y director di website 24ora.com. Mark ta un persona cu desde e tabata chikito e tabata haci negoshi manera bende lolipop na scol y bende klapchi banda di cas. Mark ta un hende trankilo, humilde y cu tin hopi pasenshi. Mark ta considera su mes un hende hopi creativo y semper ta kla pa duna un man. Den Mark su tempo liber e gusta biaha y explora luga nan nobo. 

​

Mark a habri su prome negoshi na 2007 cual ta 24ora.com cu recientemente a caba di cumpli 15 aña di existencia. Durante pandemia na 2020 Mark a habri su restaurant cu yama "Patio 15". Mark a studia Commercial marketing na Zwolle. 

​

Nos a puntra Mark con e ta wak su mes aki 10 aña e la bisa cu e lo ta wak su mes ainda den e mundo di negoshi y cu problamente e lo por tin hopi otro negoshi nan. Mark a menciona tambe e lo kier inverti, por ehempel inverti den nos hobennan y ofrece guia pa nos hobennan. Mark su meta di mas grandi ta pa por tin diferente negoshi y cu no tin mester pa e tey tur dia esaki bo ta yama (Passive Income)

​

Mark su conseho pa e hobennan cu kier habri nan mesun negoshi ta pa no tene miedo pa soña grandi y no kere pasobra bo no tin placa bo no por habri un negoshi tin hopi placa na mundo ta sa bo mester sa con pa yega na esaki, haci hopi research y traha un business plan y sa kico bo kier. 

​

​