Listen Live !

Watch Live !

Personahe di siman:

Piero Pimienta

Ken ta Piero Pimienta? Piero ta un creyente, un tata/pareha, y un trahador cu tur dia ta lucha pa su negoshinan. Piero Pimienta a wordo escoge como personahe di siman pasobra Piero ta un persona cu ta dedica y inverti hopi den su negoshinan y esey a laga Piero crece den tur sentido di palabra. Piero a studia Bedrijsfeconomie na UA, despues cu e la caba cu bedrijsfeconomie e la continua cu IBMS na Hulanda.

Piero a conta nos cu den su tempo liber e ta bay pisca cu su yiu nan y su suegro pero hopi biaha su amigo nan tambe ta bay cune. Piero a splica nos cu pe ta hopi importante pa su yiu nan cuminsa siña e basic nan di pisca, pasobra 'Ora bosa pisca bo nunca lo muri di hamber' Piero su dicho.

Piero ta splica cu e pandemia tabata tin consecuencia grave pa su restaurant specialmente pa The Old Fisherman pasobra nan entrada principal ta turista, pues esaki a pone cu e la bay inventa otro platonan cu normalmente no tabata disponibel, manera cumindanan cu nos localnan gusta come por ehempel cumindanan di 'truck'. Sinembargo Piero ta splica cu no ta importa den ki situacion e ta sigui motiva su mes pa su negoshi por keda draai bon.

Wak video

Piero su conseho pa e hobennan cu kier habri nan mesun negoshi den futuro ta pa traha duru y no laga nada y niun hende stroba bo cu bo meta. E no ta un caminda facil pero no imposibel.

Click Logo