Listen Live !

Watch Live !

Personahe di siman : Rene Wild

Tur siman nos ta bay tin un 'Personahe di siman' e siman aki nos a escoge Rene Wild pasobra Rene ta un persona cu ta inspira y motiva hende tur dia. Rene ta un hende cu ta dedica hopi tempo na su trabao, su meta principal ta pa e persona tin su salud y fisica optimal via di training den gym cu bon tecnica combina cu comemento saludabel, Rene ta conta nos cu esaki ta e rason principal dicon e la studia 'nutricion'.

Di chikito Rene tabata den e mundo di 'Fitness' pues ora Rene tabata biba na Hulanda e doño di e gym cu Rene tabata asisti a ofrece Rene su estudio ful paga pero cu un condicion aserca, cu Rene mester a yuda na e gym. Sin pensa dos biaha Rene a acepta e oferta aki y asina Rene a haña su certificado y diploma nan. Rene su experencia den e industria aki ta super bon cu a pone cu e la biaha rond mundo y logra hopi titulo internacional y local.

Nos a puntra Rene si e por a escoge un otro carera kico esaki lo ta, su contesta tabata un agente secreto of un DJ. Rene su conseho pa un Hoben cu den futuro kier bira un 'personal trainer' ta pa studia pe y tur dia hasi 'research' pa e persona educa su mes tur dia mas.

Wak video

Rene tin un portofolio masha amplio mes ora ta trata certificado y diploma. Rene a logra:

-KRACHT EN FITNESS BEGELEIDER (NL
-FITNESS BEGELEIDER (NL
-VOEDINGS DESKUNDIGE (NL
-PERSONAL TRAINER ACE - ISSA - IFA (usa
-PRECISION NUTRITION LEVEL 1+2 (canada

DAVE PALUMBO SECRETS OF THE PROS

CHARLES POLIQUIN MASTERS CLASS

DR JOHN BERARDI

MILOS SARCEV.

Aki na Aruba Rene tin un gran cantidad di persona cu e ta yuda cu nan salud sea ta por medio di gym of come saludabel. Rene ta duna diferente Charla di salud na actividad nan special y of compania. E tin su propio oficina di salud caminda e ta atende cu su cliente nan riba nan salud.

Un projecto cu Rene a lansa recientemente ta "fasting Challenge" cu tin un exito masha grandi mes. Pa medio di e "fasting challenge" aki Rene a yuda masha hopi hende mes baha peso y biba mas saludabel.

Tur Diahuebs Rene tin su espacio di salud den nos programa di radio caminda e ta concientisa pueblo di Aruba riba un bida mas saludabel. E ta conta cu e la yuda person cu cancer biba mas saludabel y sin dolor pa medio di un "plant base diet".

Rene tin hopi projecto pa futuro, entre nan drenta tur scol di Aruba cu un materia di salud, sigui yuda mas persona biba saludabel y sigui profundisa su mes den e materia di salud.

Masha pabien Rene Wild como nos personahe di siman!

click logo