Piloto a menasa pa cancela buelo door cu un pasahero a dicidi pa manda potret sunu via Airdrop.

​

Tin algun regla standard cu ta aplicabel, ora cu un avion mester desplega; warda aparato electronico grandi y tas, pone bo celular na ‘airplane mode’, bisti bo faha di siguridad. Pero awendia social media ta hunga un rol asina importante den nos bida diario, unda hasta un piloto di Southwest Airlines a hay’e ta menasa e pasaheronan di cancela un buelo cu tabata cla pa sali di Houston, Texas pa Cabo, San Lucas na Mexico. E menasa di e piloto aki a bay viral riba un TikTok video, cu un pashero a graba e anuncio, ya cu un pasahero a dicidi pa manda potret suno uzando Apple Airdrop y a pasa esaki pa tur e hendenan cu tabata tin nan Airdrop cendi den e buelo. E video a capta mas di 100,000 likes, 2.6 miyon views y un sin fin di comentario riba e plataforma di social media, di cual varios tabata cu nan ta haya e video sumamente pret. Pues si abo ta planea pa biaha, percura pa bo sa kico e opcion di Airdrops ta implica y no laga e opcion di ricibi algo di ‘everyone’, ya cu bo por haya cu bo sorpresa.