Recien casa ta pasa nan anochi di matrimonio den warda di polis.

​

Jheinifer Borger y Caio César Raposo, dos enamorado cu a casa 22 di october 2022 na Río de Janeiro, hamas a imagina cu nan lo a termina nan anochi di matrimonio den warda di polis. E fiesta a caba marduga di diadomingo 23 di october, unda cu tur e invitadonan a cana bay nan auto. Den e auto, unda cu e homber tabata aden cu cuater familiar mas, entre nan un mucha chikito, e ladronnan a bin den un auto blanco y a menasa nan cu un pistol y a ordena nan tur pa sali di e auto y benta nan mes abou. Nan a horta placa cash y hasta e shimis di casamento di e dama. E pareha tin un debe awor, paso e shimis tabata uno cu nan a huur di un tienda. E anochi ey nan a keda largo den warda di polis trahando riba nan denuncia, unda na final, e anochi di matrimonio a termina completamente diferente cu planea.