Regla nobo den carnaval, no mag bati chanchan mas & mester baila decente.

​

Cuminsando for di e aña aki, no mag di bati chanchan durante di parada di carnaval mas na Rotterdam. 
Esaki a keda stipula den e reglamento di parada riba e website di Zomercarnaval.

E organisacion a enfatisa cu zomercarnaval ta un celebracion familiar y pa e motibo aki e sorto di baile aki no ta apropia. 
Esaki ta un problema cu nan ta enfrenta cu frecuencia y semper ta bay tin hende cu ta resalta mas cu otro. 
Segun e organisado nan tin cierto celebracion nan di Carnaval unda cu no ta permiti pa toca Soca paso esaki por resulta na ‘bailamento provocativo’ mientras cu den teoria tur sorto di musica tin nan forma di baile bunita.

Despues di mira varios video riba red social, e organisacion a dicidi di aplica esaki den e regla nan di conducta pa e aña aki. 
Segun articulo 5.6: “Bailamento por ta hopi provocativo y vulgar. Principalmente ora ta trata di dos persona, na momento cu e baile ta consisti di cierto movecion sexual riba caya.” 
Den e reglamento no tin solamente e regla nan di baile stipula pero tambe regla nan di vestuario y vocabulario. 
“Mesun cos cu mundo ta den un cambio constante, e reglamento tambe ta cambia. Cada aa nos ta analisa unda por mehora y kico mester cambia.” asina e organisado a expresa.
Cu e regla aki e organisacion ta spera cu e celebracion lo permanece festivo y decente.

Si un participante den zomercarnaval dicidi di toch baila ‘vulgar’ lo tin consecuencia.
Esaki por hasta resulta na eliminacion di un grupo for di e parada y terminacion di e celebracion e proximo aña.