Rihanna den polemica despues cu a bisti manera un zuster sexy religioso den un revista!

​

Pa niun hende ta un secreto cu e famoso cantante Rihanna, ta conoci como un artista di polemica, controversia y di hopi durf, no solamente pa su musica pero tambe pa su manera di bisti, biba y presenta su mes.

Awor, den e ultimo dianan, e dama di Barbados un bes mas ta e centro di criticanan fuerte despues di a protagonisa riba e front page di un revista den cual e ta sali manera un zuster religioso.

Riri, manera e ta ser yama pa su fannan, a hasi un colaboracion cu e revista Mericano "Interview" pa su edicion di April caminda el a  papia tocante su bida como mama y su relacion cu A$AP Rocky y su carera tanto den e mundo di musica y den e industria di e mundo di moda. Pero locual mas a yama  atencion d'e publico tabata e potretnan cu a ser publica riba medionan social como un zuster sexy.