Roderich Lopez un embahador di e mundo di Brassband na Aruba. 

Roderich Lopez, ta un persona hopi dedica na tur locual e ta haci, pa musica pero tambe pa su Arte Visual di studio di grabacion. Roderich tin 3 yiu muher cu e ta stima masha hopi mes cual 2 tambe ta toca den Massive Kids cu ne. Roderich ta felizmente casa, su casa ta un yabi hopi importante den tur su exito nan. Tambe Roderich a studia na MBO y HBO pues, el a traha y biba na Hulanda. Roderich a cuminsa den e mundo di Brassband cu 5 aña di edad na aña 1983, den e famoso Brassband di e tempo ey 'Angels Brassband' ultimo nomber di dje tabata 'Aruba Angels Brassband'. El a toca den diferente Brassband y tambe compaña algun na Aruba manera: Hells Ángels, Majestic Brass, Bad Boys Brassband, Unity Brassband, Energy Brassband, Academy Brassband int, TBS Brassband y tambe Massive Brassband int Sinembargo tambe e tabata den un grupo di Brassband pa 15 aña cu yama Authority Brassband int na Hulanda. E aña aki Massive Brassband int, ta cumpli na augustus 10 aña di existencia, 10 aña hopi exitoso pa nan. Ora el a yega Aruba bek 13 aña pasa y tocando Brassband non stop te dia di awe for di su 5 aña di edad el a mira cu tabata tin 1 Brassband den parada di Carnaval y esey a duel Roderich hopi. Roderich su deseo ta pa wak Brassband bek den un forma massivo grandi manera cu e tabata ta. Roderich tin un scol pa siña muchanan toca Brassband cu ta carga e nomber 'Asambeho School Roderich Lopez', priomordialmente e ta un stichting pa corda Aruba y mundo di Asambeho y educa mas di unda Asambeho ta bin asina traspasando e pa nos muchanan hunto cu Massive Kids, Asambeho school ta dedica na proteha e musica na educa mas di e musica cargando semper na halto esun nan cu a crea e musica cultural aki na Aruba, Cu dicho school ta dedica na Asambeho su formacion esun nan cu a crea e musica cu ta Alfonso Bulto Gibbs, Arnold Beyde, Samuel Hodge tur awe den feliz memoria.

​

Con Massive a toca den Disney World? Tur cos a cuminsa na 2004 ora Roderich a bay toca cu Authority Brassband int di Hulanda pafor di Disney park na Land Parijs, ey nan el a cuminsa puntra, te cu el a haya un contacto cu Disney World via Email unda cu el a contacta nan pero e tempo nan a nenge cu e regla nan cu nan tabata tin vigente e tempo ey na 2004, cual tabata mester bin di un marching band escolar di merca, te cu el a bisa su soño di toca na Disney World no lo bira realidad. Despues di casi 5 aña esta na 2009 el a wak un programa na Tv (na hulanda) un programa unda el a wak marching band di Inglatera tocando den e parke na merca, e di algo no ta cuadra di locual nan a bise na 2004. El a bolbe contacta nan bisando nan cu locual nan a bise no tabata cuadra, pues nan a cambia e reglanan y lo mester a pasa den un screening. Ey nan ta unda el a cuminsa manda video di e tempo ey pa nan keur e. Te dia el a lanta Massive el a dicidi di bay Merca y purba haya un meeting cu nan, el a logra haya un meeting personal despues tambe el a haya sa di e conocido koki Joselito Alberto ta traha den disney, el a purba di haya un toca y a logra haya un den Epcot, y toch e eem tabata Magic Kingdom. A logra haya e aprobacion pa toca den Epcot, pero door di no tabata bon informa over di Visa special pa musico nan a biaha pero no a logra toca esey tabata un sla grandi pa Roderich. el a sigui den contacto cu Disney World el a bolbe bay meet cu nan y despues un biaha mas pa asina finalmente por a convence nan cu nan por a presenta manera un marching asambeho band den e park. Tabata un programa pa nan toca 18 di maart pero tabata dia di himno y bandera, pero Aruba a dal Lockdown y nan no por a biaha faltando 3 dia pa nan biahe, esaki tabata otro sla pa nan. Pero toch a sigui lucha y train te cu nan a logra toca 5 di aug na 2022. Roderich ta contento cu su soño a ser cumpli pa Asambeho den Disney. "Diciplina y perseverencia ta un yabi imporante". Dia 7 di augustus 2023, nan lo ta tocando den Feria de las flores. Feria de las flores na Medellin ta un idea tambe di basta tempo pero nunca el a pensa e lo a bira realidad asina liher, y asina mas plannan grandi pa Massive. 

​

Conseho; "Mi conseho ta na e hobennan cu realmente ta stima y practica/ toca e musica di Asambeho ta pa mantene  esaki bibo, pa practica cu diciplina y lo bo mira con leu e combinacion y diciplina lo hiba bo e lo trece hopi alegria y cos nan positico so, bo no mester ta e mihor tocado pero zorg pa bo ta e mihor diciplina y dimes bo lo gosa di e momento."