ORNAJESTAD--E guru di moda na Aruba Ronchi De Cuba e aña aki ta cumpli 30 aña den mundo di moda. Un persona masha stima pa e pueblo di Aruba. Diaranson 17 juli Ronchi lo ta invitado den e programa Bou Palo. Ronchi mes ta bisa cu ta prome biaha den su bida cu e ta papia a asina “open” di su bida personal. E no tawata facil pa yega unda e ta awe. Manera tur hende e tambe tawata tin su momento nan hopi dificil. Ivo Yanez a puntra Ronchi tur cos for di su infancia te cu su celebracion di 30 aña den moda. Bou Palo lo pasa riba facebook Ivo 4 life pa 9:00 pm i na Telearuba canal 13 pa 10:00 pm.