Ruman morocho ta convenci cu nan ta un persona y ta comparti pareha cu otro.

​

Anna y Lucy DeCinque ta un par morocho di 38 aña naci na Australia y nan ta convenci cu nan ta e morocho nan mas identico na otro riba mundo.
Nan ta comparti tur cos igual entre otro e mesun cama, auto, telefon, cuenta di facebook y hasta e mesun pareha.
Nan ta bisti mesun cos y nan kier pa tur cos di nan ta identico.
Despues di nan prome cirugia di pecho nan a realisa cu esaki nan no a keda igual y a dicidi un pa hasi un segundo cirugia pa nan pecho keda identico den tamaño.

“Nos ta un solo persona cu dos curpa y pa e motibo aki nos kier tur cos igual y nos kier pa hende trata nos igual manera un persona.” asina e ruman nan a expresa.
Nan ta come hunto, bay baño hunto, baña hunto y nan ta comparti un cama.
Den pasado nan a yega di traha hunto pero un so tawata ricibi pago y e otro a traha como voluntario pero nan tawata dispuesto pa hasi tur cos tanten cu nan por ta hunto.

Anna Y Lucy a conoce nan pareha, Ben Byrne, via facebook y a sinti cu Ben ta e persona ideal pa nan. 
Na momento cu nan a propone e idea di e relacion aki na Ben, e la pensa cu ta un wega pero despues a compronde e seriedad di nan den kier comparti e mesun pareha.
Nan tin 11 aña hunto y nan ta feliz cu nan relacion.
No tin jaloezie den nan relacion, si Ben sunchi un di nan e mester sunchi e otro inmediatamente.
Ben ta compronde cu nan mester ta igual y cu nan mester hasi tur cos hunto 24/7.
Ben felizmente ta ricibi dobel amor y Anna y Lucy ta feliz cu Ben ta compronde nan y trata nan igual.