McDonald’s cu doño, logo y nomber nobo na Russia.

​

Den transcurso di guera entre Rusia y Ucrania, e cadena di restaurant McDonald’s tambe tabata un di cuantioso empresanan cu a anuncia cu lo bandona Rusia. McDonald’s tabata tin 850 restaurant den e pais y recientemente Rusia a celebra apertura di e restaurant aki cu otro doño y nomber. Gobierno di e pais mes a dicidi di sigui cu e cadena di restaurant aki, bou otro logo, nomber y doño, permitiendo asina e Rusianonan pa sigui disfruta di cuminda rapido, cu McDonald’s a habri 30 aña pasa. Awe oficialmente Rusia ta mustra mundo su mesun version di e cadena popular di restaurant di cuminda rapido iconico, bou di e nomber: Tasty and That’s It. Tur e 850 restaurantnan na Rusia a pasa den e cambio di logo y nomber nobo. Cu esaki Gobierno Ruso ta demostra cu e no tin miedo di e presion comercial, cu ta menasa pa bandona e pais.