Scol a cuminsa, bo ta cla?

​

E prome dia di scol semper ta un dia significativo pa ambos mayor nan y mucha nan, principalmente si ta e prome biaha bayendo scol.
E prome dia ta significa un ambiente nobo, amigo nan nobo y un rutina nobo. 
Esaki por ta emocionante pa algun mucha pero pa otro nan e por genera miedo.

Kico abo como mayor por hasi si bo yiu tin miedo di bay scol?
- Mantena un rutina prome cu scol cuminsa pa asina bo yiu custuma y sinti su mes prepara. 
- Splica bo yiu kico e por spera na scol pa asina e no sinti spanta.
- Papia cu bo yiu pa e sinti sigur di su mes.
- Splica bo yiu e importancia di bay scol. 
- Papia cu bo yiu di e actividad nan leuk y positivo na scol.
- Prepara paña di scol hunto cu bo yiu e dia prome pa asina e sinti entusiasma.
- Sigura bo yiu cu e lo wordo busca na tempo for di scol.

Entrante awe nos ta drenta un aña escolar nobo. 
Nos ta desea tur alumno y docente hopi exito durante e aña aki.