Tur dia señora ta bay stacion di trein pa scucha e stem di su defunto casa.

​

Margaret McCollum, ta un dokter na Inglaterra cu ta bishita un stacion di trein p'e por scucha e stem di su defunto casa. E storia di amor aki a cuminsa na 1992, ora cu Margaret a bay un biahe di trabouw y a conoce Oswald Laurence (su defunto casa) cual e tabata traha den un compania di crucero. Nan a namora profundamente di otro, pero na 2007 Oswald a fayece. Tur dia Margaret ta bishita e stacion Embankment ya cu su defunto casa tabata bishita e stacion aki regularmente y tambe tin un grabacion cu Oswald a haci p'e stacion aki cu ta keda ripiti constantemente. Esun nan encarga di e stacion aki a regala Margaret e CD audio di su defunto casa p'e por tende na su cas.