Personahe di siman: Siomara Everon, 30 aña den farandula y 15 aña den e programa di Nos Mainta.

Siomara Marlin Everon, naci na Aruba, 18-12-1977. un persona alegre y positivo, un persona hopi simpel y te cu hasta e ta pensa e ta un “alien” pa e simpel hecho cu e no ta manera tur hende y e no gusta presumi ni gusta hende negativo rond di dje. Na Aña ‘95 el a cuminsa traha na radio aunke ainda e tempo ey e tabata studiando. Victor Toco Winklaar director e tempo ey di corant ‘Bon Dia’ a pidi Siomara traha cu ne den enfoke 90 na canal 90 lesando noticia. El a yega di traha hopi programa 'Actualidad' tabata Siomara su prome cu e tabata presenta e tabata un produccion di 30 min cu tabata haci investigacion di cosnan cu a yega di pasa un estilo "achter volg journalistiek" e tabata un programa independiente cu a dura 5 aña na Tele Aruba bao di direccion di Norman Thijsen. Tambe diferente programanan educativo pa varios fundacion y despues na 2000 'anchor news' y reportero na Tele Aruba y na 2009 Norman Thijsen ta pidi Siomara pa laga su trabao y join Nos Mainta y te dia di awe Siomara ta produci Nos Mainta y Host Nos Mainta. Cada presentacion of produccion Siomara a busca semper pa tin hopi informacion di thema of topico e ta kere den e poder di lesamento, mas bo lesa mas e ta enrikece bo conocemento y naturalmente e ta pidi Dios pa cada produccion of show bay bon. Siomara su casa ta Win Falconi y ta un homber cu hopi pasenshi, hopi respet Siomara tin pe paso e ta soporta su 'ups and downs' nan y ta apoya Siomara den tur cos y el a warda mas di 10 aña pa Siomara acepta di casa. Su yiu Raymir Dijkhof ta su prioridad te awe y semper, e ta e regalo di mas bunita cu Dios por a duna Siomara e ta su forsa pa sigui. Su yiu a siñe hopi cos di bida mas como un mucha autista e ta esun cu a cambia Siomara su mundo y haci Siomara ken e ta awe, tur dos ta su mundo completo.

​

A puntra Siomara kico e lo cambia den su trabao ela contesta "mi coleganan hahah ta un joke mi ta kere mi no lo cambia nada mi ta agradecido cu mi trabao y e oportunidadnan cu mi a haya den bida y cada dia ta un regalo y un bendicion di por ta na tv". Siomara kier bay awo ful den produccion produci hopi show cual el a bin ta haci pa un par di aña caba dus bandi Nos Mainta e ta produciendo hopi otro documentarionan.

Conseho: Semper percura pa bo tin bo diplomanan esey ta bo passport pa bay traha tur caminda y stima lesa paso esey lo bo mester bay haci hopi mes den e trabao aki y ta bo mes nunca ever imita otro y sea humilde y probecha cada oportunidad y retonan.