Listen Live !

Watch Live !

By: Zaynah Yanez

28 nov 2024

Stephany Sevinger: Awor ta ora pa kies e futuro cu nos kier pa Aruba.

Awe nos team a entrevista e di 7 politico cu ta Stephany Sevinger number 4 riba lista di AVP.

Nomber completo y fecha di nacemento?
Stephany Daniela Sevinger
21 Januari 1997

- Conta nos un tiki di bo infancia, cua skol bo a bay, hobby y kico tawata e prome funcion cu bo kier a eherce tempo bo tawata chikito?
Mi infancia tabata uno diferente, ami a crece den politica for di tempo mi tabata tin 4 aña. Mi semper a gusta yuda comunidad y tabata un mucha cu hopi curashi. Mi a traha na radio di mucha, modela, canta y baila. Mi amor pa bestia tabata un motivacion grandi pami. Door di esaki durante mi añanan mas jong mi kier a bira dierenarts.

- Na unda bo a studia y con e experencia di ta studiante tawata pa bo y cua ta e diploma nan cu bo a logra?
Mas grandi mi a bira mi a conoce otro aspectonan di bida. Esaki a hasi cu na final mi a escohe pa studia relacionan international y ciencia politico. Mi a hasi mi Asociate Degree na Miami Dade College y mi Bachelor’s degreenan mi a hasi na Florida International University. Biba afo for di jong a hasimi un pwrsona hopi responsabel y determina.

- Pakico bo a drenta politica?
Mi tin hopi motibo cu a inspirami pa drenta den e mundo politico. E vocacion di kier juda y crea un mihor aruba pa un y tur ta algo cu tur dia mi ta lanta cu ne. Mas aun awor cu mi tin un yui, ami kier wak yiunan di nos tur crese den un isla prospero cu oportunidad pa tur. Mi lo lora manga y traha pa tur hende na e pais ki cu igualdad.

- Dicon bo ta kere bo partido a duna bo un number den top 5? Ki rol bo tata a hunga den esaki?
Partido tin un comite cu ta tuma e decision di ken ta haya cua number. Esaki ta wordo presenta na partijraad y na miembronan honorario. Esaki ta wordo acepta pa medio di votacion. Nan ta tuma nota di estudio, conocemento y hopi otro factornan. Por locual siendo yui di mi tata y cu mi a crese den e mesun bario di Rancho y Madiki lo por a ta un factor tambe. Esaki ta un honor cu nos team a acepta y cu tur humildad mi lo traha duro pa ta merecedor di e confiansa aki.

- Kico ta e legado cu bo tata ta laga atras pa bo?
Mi tata ta un politico prominente cu un carera sumamente exitoso. Manera nan ta bisa e ta e “Arquitecto di Aruba”. Su sapatonan ta sumamente grandi pa yena, e ta hopi stima y a gana e curason di hopi. Ami ta admira cada un di su logronan y mi ta spera di algun dia por yega na ta un politico manera e.

- Kico bo ta pensa di e caso di bo tata y si e tin inlfuencia riba bo awoki den campaña?
Si mi ta completamente honesto mi a expect un poco mas di influencia. Bishitando cas pa cas mi no a haya absolutamente ningun hende te awo cu a menciona algo di e caso den un manera destructivo. Tur ta mas cu consiente cu esaki ta un persecucion inhusto y es mas a haya hopi bon deseo den inicio di mi carera.

- Eleccion pasa bo a campaña pa bo tata y e resultado tawata positivo pe, kico ta e diferencia awo cu bo ta campañando pa bo mes?
E campaña pa mi tata tabata uno cu un meta di demostra inhusticia. Mi a lucha durante mi embaraso hunto cu un team di campañador, colega ,amigo y famia cu a logra e meta di saca voto preferencial pa mi tata. E biaha aki pami personalmente ta sinti uno diferente paso mi no ta lucha pa mi tata, pero pa un pais, pa un mihor porvenir unda ningun hende lo ser laga atras.

- Cua ta e mayor preocupacion den pueblo awoki? Con abo tey resolve esaki?
Canando cas pa cas nos a scucha e dolornan di pueblo y esun cu mas nos a scucha ta cu costo di bida ta mucho halto. A nos di AVP tin un plan concreto cu nos lo ehecuta mane nos drenta den gobernación, nos lo actua di biaha pa aumenta pensioen , duna nos grandinan nan remedi nan bek , aumenta reparatietoeslag, uitkering pa muchanan special, introduci huurtoeslag y crechetoeslag.

- Ta dificil pa haya hende hoben profesional drenta politica, kico ta e motibo segun bo?
Mi ta haya e motibo ta door cu e ataque cu ta bin cune riba bo famia , atakenan personal y persecución. Hobennan hopi capacita ta prefera traha pa nan mes of un compania grandi unda nan ta gana mas y no tin e riesgo di ser persigui pa bai yuda otro.

- Tin algun partido cu Avp no lo traha cu ne si drenta gobernacion? Y dicon?
Pueblo ta dicidi cu su voto ken e kier den gobierno, ta obvio si cu cada bes cu tin cualicion cu partidonan di un persona nan no tin e capasidad ni madures pa goberna.

- bo tin aspiracion pa un cartera si drenta gobierno y cua esaki lo ta?
Mi estudio ta dunami option pa tur cartera, mi ta disponibel pa locual partido ta kere cu lo mi por duna mi mihor esfuerso pero mi curason ta enseñansa y social.

- Con bo ta haya e nivel di politica na Aruba y kico mester cambia?
Politica ta un cos positivo y democracia ta un cos cu nos mester cuida. Nivel di politica ta depende di e politico, lamentablemente tin hopi politico cu no tin e nivel ni e estudio y nos ta wak esaki refleha tanto den parlamento como den gobierno. Nos mester traha pa hisa e nivel di politica pero esaki ta hunto cu e politiconan y pueblo lo bay traha pa cambia esaki.

- Con bo relacion ta cu e oponentenan politico?
Mi ta haya mi relacion ta hopi neutral door cu ainda mi no conoce nan tur personal.

- Kico bo lo hasi diferente den un siguiente gobernacion?
Nos lo enfoka riba diversificacion economico , fortalece transparencia y mehora bienestar social. Nos lo prioritisa desaroyo sostenible door di inverti den energia renovabel , sostene negoshinan local , y crea oportunidad di trabou mas aya di turismo. Adicionalmente ,nos lo traha pa garantiza un responsabilisacion mas grandi di gobierno y involucra ciudadanonan mas den proceso di tumamento di decision, sigurando cu cada presona tin acceso na e oportunidadnan y servicionan cu nan merece.

- Pakico e eleccion aki ta asina importante pa Aruba?
Tur eleccion ta importante pa aruba , esun aki ta mas importante pa nos grandinan pa reduci costo di bida pa aumenta pensioen. Pa esnan mas vulnerable den nos comunidad.
Sin conta tur e otro areanan di precupacion, ensejansa, seguridad, social, vivienda, turismo Integracion y hopi mas.

- Tin algun ley of punto specifico cu bo lo kier wak cambio den nos systema electoral?
Sigur cu si , mi ta haya cu nos mester trece un sistema mas facil pa yuda esnan cu discapasidad of cu limitacion nan pa por logra vota mas facil.

- Tin varios politico bou investigacion, con bo ta wak esaki?
Nos conoce trias politica, gobierno , parlamento y nos systema hudicial .
Nos tin cu kere y tin confiansa cu esun ta controla e otro, na momento cu politica cuminsa influencia nos systema hudicial pa metanan politico nos tin un problema .
Esaki mester wordo impedi a todo costo, nos mester tin e seguransa cu politiconan cu ta wordo investiga lo tin e confiana cu e ta un investigacion husto y no persecución politico. Tempo lo mustra den cada caso si esaki ta husto of no.

- Con bo lo hiba campaña den e proximo siman nan nos dilanti?
Faltando un siman mas di eleccion mi ta kere cu nos mester sigi pusha den hiba nos mensahe den tur hogar. Den e momentonan crusial aki pueblo mas cu nunca mester di un biento di speransa.

- Cua ta e reto di mas grandi cu e siguiente gobierno ta enfrenta cu ne?
Esaki sigur lo ta costo di bida esaki ta e mas halto cu Aruba a jega di conose. Poder di compra di pueblo ta mas abou cu nunca.

- Con bo ta hasi comparti tempo entre politica y famia ?
Esaki ta hopi dificil y probabelmente e parti mas duro pero e support cumi ta haya for di nan ta increibel. Pa nos por pasa mas tempo cu otro nan ta hasta bin campaña cumi. Na tur final y comienso di dia mi ta saca tempo pa mi baby. Nos hunga y come hunto.

- Politica tin su pro y su contra, cua esakinan ta?
Como yiu di un politico mi tin hopi experiencia cu e banda negativo di politica, no solamente e criticanan y atakenan pero tambe e falta di tempo den famia. Esaki ta algo cu mi ta carga cumi y a siña deal cune.
Studia politica tambe a mustrami e banda positivo di e arte aki.

- Kico ta bo mensahe pa pueblo di Aruba pa e siguente eleccion?
Awo cu nos ta yegando serca di e sigiente eleccion , awo ta ora pa kies e futuro cu nos kier pa Aruba. Nos tin e oportunidad pa traha un Aruba husto y sostenibel pa un y tur.

- Pakico Aruba mester deposita nan confiansa den bo ?
Mi ta completamente dedica pa traha pa e Aruba cu nos tur kier wak y kier biba a den. Mi ta garantisa nos pueblo bo voz ta ser scucha y bo nesesidadnan lo ta mi prioridad. Mi lo traha pa garantisa cu pueblo di Aruba tin oportunidadnan igual pa truinfa. Confia den mi pa guia cu vision, integridad y dedication. Hunto nos lo traha un mihor Aruba.

- Con bo tin pensa di resolve e debe cu Aruba tin cu Hulanda?
Sin duda Aruba nunca den historia a yega di keda sin paga su debenan y mesun cos nos lo paga e debe cu hulanda tambe, sinembargo AVP a entrega un nota y proposición pa e pago cu Aruba ta haci bay den un fondo di inversion pa inverti esaki bek den pais.
Aruba, esaki ta algo cu na momento AVP drenta den gobierno nos lo sinta na mesa cu Hulanda pa concretise.

- Aruba tin confiansa den su politico nan? y si ta no, kico por hasi pa cambia esaki?
Gracias a Dios cu nos pueblo ta kere den democracia y ta kere den politiconan, mas cu 85% di pueblo ta haci uzo di nan derecho di voto esaki ta mustra cu nos democracia ta bibo y Aruba ta kere den su politiconan. Cu tin cos pa cambia sigur cu si, ta hunto nos lo tin cu cambia esaki.

- Bo mensahe final pa e pueblo prome cu eleccion?
E eleccion aki ta uno sumamente importante pa nos pais. Mi ta hasi un yamado na comunidad pa please no keda sin vota. Vota pa un AVP un partido cu a demostra cu nos por goberna cu nun experencia amplio y un combinacion entre experencia y hobennan.
Confiaden mi persona y mi lo sa di honra esaki cu trabaonan duro.
Vota berde, Vota AVP, Stephany Sevinger #4.