Striked out?

Wander Samuel Franco Aybar Sr., ta miho conoci den e mundo di baseball grandes ligas como "El Patron" of simplemente Wander Franco.
Cu 22 aña di e edad e tin un carera briyante su dilanti y un contract lucrativo di mas di 180 miyon dollar pa un periodo di 11 aña cu Tampa Bay Rays.

Actualmente Wander ta encontra su mes den un problema cu por tin consecuencia hopi grave pa su mes y tambe pa su carera. 
E ta bou di investigacion di e departamento Policial di Republica Dominicana y ta wordo acusa di a tene relacion sexual cu un menor di edad.
Wander a conoce un mucha muhe y pa un periodo largo nan tawata saliendo cu otro.
Na es momento e mucha muhe a presente su mes como mayor di edad.
El a sera conoci cu e mama di e damita y tambe a haña su aprobacion y aceptacion pa sali cu su yiu.
Segun tempo a pasa nan tawata post potretnan riba rednan social, confirmando e relacion. 

Den un cera di wowo e historia aki a cambia di rumbo y dal un buelta cu un sabor amargo. 
No ta conoci e motibo real pakico e mama a entrega keho contra di Wander pero den e declaracion e ta acusa Wander di a tene relacion cu su yiu di apensa 14 aña e tempo ey.
Actualmente e damita aki tin 17 aña di edad.   
E team pa cual Wander ta hungando a declara recientemente cu e hungado no lo aparece riba veld te cu un proximo aviso mientras cu e caso ta bou di investigacion.