Sue-Gin Arends ta un hoben di 25 aña cu a logra practicamente mayoria di su metanan caba. Na 2017 Suegin a haci un decision cu hopi studiante aki na Aruba ta haci y e la dicidi di bay sigui cu su estudio na Hulanda. E la scoge pa haci ley/ rechten na Groningen. Na 2021 e mester a scoge entre keda Hulanda cu e consecuencia di haña un 'studie achterstand', mirando cu pa e motibo di e pandemia, tur cos a 'shut down' y tabata hopi dificil pa haña un 'afstudeeronderzoek' of bin Aruba, debi na esey y cu hopi suerte, Suegin a logra haña un un afstudeeronderzoek na Aruba, unda cu e la logra gradua den Bachelor of Laws, cu specialisacion den Bedrijfsjurist/ Fiscaal recht en Ondernemingsrecht y privaatrecht Familie en Personen recht, cu un Minor den conflictmanagement.

Actualmente Suegin ta trahando como Senior Tax Advisor & Compliance Officer na Monarch CPA LLC, cual ta un trabou cu e ta haciendo cu hopi pasion, dedicacion y amor. 

 

Nos a puntra Suegin kico ta su meta di mas grandi den e aña aki e la bisa cu e aña aki e tin como meta pa sigui crece y siña hopi mas, no solamente den su trabou, pero tambe den e aspecto personal. Un di e cosnan mas importante pa Suegin ta su famia, Suegin a bisa tambe cu e ta kere semper den: sea agradecido, humilde y amabel cu tur hende. "Always be kind" bo nunca sa kico un persona ta pasando aden y kico nan ta sconde tras di un smile. Ta un persona amabel nunca ta bay costa bo nada y lo por nifica hopi si pa un otro.

​

E parti di mas dificil pa Suegin di Hulanda tabata custuma cu un cultura completamente diferente, un clima friu y shinishi, pero tambe con pa anda como studiante na un scol y cu e otro studiantenan y docente. Cada ken ta experenci'e diferente, Suegin a menciona cu haci un estudio u biba na Hulanda, kiermen cu hopi biaha specialmente na comienso (1e jaar), por ta poco diferente, specialmente cu bo no ta papia e idioma of domine. Cu sea bo tin otro accento of bo ta haña  e comentarionan manera: 'Je praat goed Nederlands voor iemand uit de Antillen" E cosnan chikito cu na comienso no ta asina leuk, pero eventualmente bo ta siña anda y deal cu nan.

​

Den Suegin su opinion e prome stap na bo metanan ta: KERE DEN BO MES y realisa cu e competencia di mas grandi ta; abo cu bo mes! E unico persona cu bo mester compara bo mes cu ne ta e persona cu bo tabata prome... esey ta importante pa sa. Semper ta bon pa recorda bo mes, cu nos tur tin cu gatia prome nos cana y core. y cada ken segun su tempo. Bida no ta un competencia, aunke social media por lage sinti of mustra asina. Ta okay pa cansa y hasta tuma break si ta necesario, pero nunca give up ni tampoco tene miedo pa faya of haci eror. Pasobra e caidanan di mas fuerte, ta netamente unda bo ta siña conoce bo mes miho. Bo ta descubri bo potencialnan, ora cu bo meta- y/of soñonan ta duna miedo pa tuma e risico of stap. Pusha y kere den bo mes pa logra nan! Pasobra di tur e palabranan mas tristo cu nos por scirbi of bisa ta: 'e por pasa si'. Pues tuma e risico y actitud di sali for di bo comfort zone y bo lo logra cosnan maraviyoso!

 

​