Tata ta graba su stem pa su yiu por sigui scuch’e.

​

E bida di Rob O’Hara, di 33 aña, a dal ful un buelta di 180 grado, ora e no por a move su dedenan y pols mas. E homber aki, cu ta biba na Runcorn, Inglatera, a kere cu e tabata tin e sindroma di “túnel carpiano”, pero realidad a resulta den algo otro. Ora Rob a bay dokter y nan a diagnostic’e cu e enfermedad di; “Neurona Motora” (MND), esaki ta un tipo di enfermedad, cu ta laga e nervionan stop di funciona. Ademas e enfermedad aki ta laga bo stop di haci e cosnan simpel, manera; papia, cana, hala rosea y guli.

Den un entrevista cu Liverpool Echo, e homber no por a hisa su man banda robes. Shete luna a pasa, desde cu nan a bis’e, cu e tin e enfermedad aki. Y ya e tin difilcultad pa cana y papia. E tin un computer cu por papia p’e, di cual ainda e no ta haciendo mucho uzo di dje, paso e por papia ainda. Pero e sa cu lo yega e dia, cu e mester uza e computer completo, pa por sigui comunica. P’esey el a dicidi di cuminsa graba algun cos cu su stem pa su yiu, pa ora e no por papia mas. Su yiu di 5 luna pa den futuro, e por scucha esakinan. Su famia a crea un campaña riba GoFundMe pa apoya e tratamento di Rob.